Սուրբ Ծննդի պատարագ՝ Աբովյանի Սուրբ Հովհաննես եկեղեցում

Գագիկ Ծառուկյանի բարերարությամբ կառուցված Աբովյանի Սուրբ Հովհաննես Մկրտիչ եկեղեցում պատարագ է մատուցվել՝ Սուրբ Ծննդյան և Աստվածահայտնության հրաշափառ տոնի առթիվ։

Հարյուրավոր հավատավորների հետ պատարագին մասնակցել են նաև Ծառուկյան ընտանիքի անդամները։

Պատարագին հաջորդել է Ջրօրհնեքի կարգը․ պատարագիչը խաչով, ապա մյուռոնով օրհնել է ջուրը։ Հավատացյալներն այդ ջրից տուն են տարել՝ որպես օրհնություն ու դարման՝ հիվանդների համար։

Սուրբ Հովհաննես Մկրտիչ եկեղեցում Ջրօրհնեքի խաչքավորն է եղել Հովհաննես Ծառուկյանը։ Ծիսակարգի խաչքավոր Հովհաննես Ծառուկյանի անունից հավատավոր ժողովրդին նաև մատաղ է մատուցվել։