«Ծխողները հռչակվելու են 5-րդ շարասյան հիբրիդային զորքերի կենտրոնական կայազորի 7-րդ բրիգադի ուժեր». Տոկիոյի ծխողներով տպավորված Փաշինյանի հայտարարությունը կատակների առիթ է դարձել

Վարչապետ Նիկոլ Փաշինյանը, ով աշխատանքային այցով գտնվում է Տոկիոյում, տպավորվել է, թե ինչպես են ծխում Տոկիոյում։

Սոցիալական ցանցերում երեկվանից այս թեման բուռն քննարկման առարկա է դարձել։

Փաստաբան Վարազդատ Հարությունյանն, օրինակ, ծաղրել է Փաշինյանին՝ նշելով, որ «ծխողները հռչակվելու են 5-րդ շարասյան հիբրիդային զորքերի կենտրոնական կայազորի 7-րդ բրիգադի ուժեր»։

«Ծխողնե´ր, բռնվեք, սա գնացել ա Տոկիո ու ֆիքսել, որ փողոցում ծխելն արգելվածա:

Հաշվի առնելով, որ ուրիշ բան ու գործ չունի` գալու ա ու էլի ծխողներիս ջանին կպնի:

Ծխողները հռչակվելու են 5-րդ շարասյան հիբրիդային զորքերի կենտրոնական կայազորի 7-րդ բրիգադի ուժեր, որոնց սիգարետի փողը անձամբ բաժանում է հայտնի ծխող Լավրովը:

Ծխողնե´ր համայն Հայաստանի, ժամանակն է համախմբվելու»,- գրել է Հարությունյանը։