Անգլիայի Պրեմիեր լիգայի մեկնարկային տուրում «Մանչեսթեր Յունայթեդը» պարտություն կրեց «Հալ Սիթիից»

Անգլիայի Պրեմիեր լիգայի 2026/2027 մրցաշրջանի մեկնարկային տուրում իսկական սենսացիա գրանցվեց․ «Մանչեսթեր Յունայթեդը» հյուրընկալվելիս անակնկալ պարտություն կրեց ԱՊԼ-ի նորեկ «Հալ Սիթիից»։

Քինգսթոն ափոն Հալի «ՄԿՄ» մարզադաշտում կայացած հանդիպման հենց առաջին խաղակեսում դաշտի տերերը շոկի ենթարկեցին մանչեսթերյան ակումբին։

Արդեն 17-րդ րոպեին Սեմի Աջային առաջ մղեց «վագրերին», իսկ 38-րդ րոպեին Նոբել Մենդին կրկնապատկեց հաշիվը՝ գրանցելով 2:0 վերջնահաշիվը։

Հիշեցնենք, որ նախորդ մրցաշրջանի արդյունքներով «Հալ Սիթին» 73 միավորով զբաղեցրել էր Չեմպիոնշիփի 6-րդ հորիզոնականը՝ անգլիական էլիտայի ուղեգիր նվաճելով փլեյ-օֆֆի միջոցով։

«Մանչեսթեր Յունայթեդը» 71 միավորով եզրափակել էր Անգլիայի բարձրագույն դիվիզիոնի լավագույն եռյակը:

Հաջորդ տուրում՝ օգոստոսի 29-ին, «վագրերը» արտագնա խաղում կմրցեն «Քովենթրի Սիթիի» հետ, իսկ «կարմիր սատանաները» օգոստոսի 30-ին սեփական հարկի տակ կընդունեն «Իփսվիչ Թաունին»: