«Արարատ-Արմենիան» խոշոր հաշվով հաղթել է «Շիրակին»
- 9 hours ago
- 1 min read
Fastex Պրեմիեր լիգայի 22-րդ տուրում «Արարատ-Արմենիան» հյուրընկալվելիս տպավորիչ հաղթանակ տոնեց «Շիրակի» նկատմամբ:
Մանուել Տուլիպայի գլխավորած թիմը չորս անպատասխան գնդակ ուղարկեց դաշտի տերերի դարպասը:
Խաղի հաշիվը բավականին արագ՝ արդեն 4-րդ րոպեին, բացեց Արայիկ Էլոյանը: Նա առաջին խաղակեսի վերջնամասում հասցրեց նաև կրկնապատկել հյուրերի առավելությունը՝ դառնալով դուբլի հեղինակ:
69-րդ րոպեին աչքի ընկավ Խուան Բալանտան, իսկ 83-րդ րոպեին Ժիրայր Շաղոյանը ձևակերպեց հանդիպման վերջնահաշիվը՝ 0:4:
Այս վստահ հաղթանակի շնորհիվ «Արարատ-Արմենիայի» ակտիվում գրանցվեց 45 միավոր: «Շիրակը» 12 միավորով շարունակում է մնալ վտանգավոր գոտում՝ զբաղեցնելով 9-րդ՝ նախավերջին տեղը:
