Ադրբեջանցիներն Ացախի Վանք գյուղում ոչնչացրել են հուշարձան, խաչքար ու զոհերի պատկերաքանդակներով հուշապատը

Օկուպացված Արցախում ադրբեջանական ավերածությունները շարունակվում են։ Այս անգամ հուշարձան ու խաչքար են ոչնչացրել Մարտակերտի շրջանի Վանք գյուղում։

«Բարբարոս Ադրբեջանի հակահայ, հակամշակույթ ավերիչ քաղաքականությունն անարգել շարունակվում է Արցախում։ Անխնա ոչնչացվում է ամեն ինչ, ինչ հայկական է։ Քոչվորներն ավերել են Մարտակերտի շրջանի Վանք գյուղի 1941-45թթ հայրենական պատերազմի զոհերի հուշարձանը, արցախյան ազատամարտի զոհերի հիշատակը հավերժացնող խաչքարն ու զոհված ազատամարտիկների պատկերաքանդակներով հուշապատը», - գրված է «Artsakh Monuments» ֆեյսբուքյան էջում։