Իրանի և Իրաքի բարձրաստիճան պաշտոնյաները ստորագրել են երկկողմ հարաբերությունների զարգացմանն ուղղված չորս համաձայնագիր

Իրանը և Իրաքը ստորագրել են համագործակցության չորս փաստաթուղթ, այս մասին հաղորդում են իրանական ԶԼՄ-ները։

Իրանի և Իրաքի բարձրաստիճան պաշտոնյաները ստորագրել են երկկողմ հարաբերությունների զարգացմանն ուղղված չորս համաձայնագիր և փոխըմբռնման հուշագիր։

Ստորագրման արարողությունը տեղի է ունեցել հինգշաբթի օրը Թեհրանի Սաադաբադ պալատական ​​համալիրում՝ Իսլամական Հանրապետության նախագահ Մասուդ Փեզեշքիանի և Իրաքի վարչապետ Ալի Ֆալիհ ալ-Զաիդիի ներկայությամբ։

Ստորագրված փաստաթղթերի թվում են՝

-Միջազգային ճանապարհային բեռնափոխադրումների մասին համաձայնագիրը,

-Խոսրավի-Խանաքին-Բաղդադ երկաթուղու կառուցման վերաբերյալ փոխըմբռնման հուշագիրը,

-Թեհրանի և Բաղդադի միջև քույր քաղաքների հարաբերություններ հաստատելու մասին հուշագիրը,

-Հանրային կառավարման, վերապատրաստման և մարդկային ռեսուրսների զարգացման ոլորտում համագործակցության հուշագիրը։