Նիկոլ Փաշինյանն այս տարի էլ սեպտեմբերի 27-ին չի գնա Եռաբլուր
- Arevik Charchyan
- Sep 26, 2024
- 1 min read
Սեպտեմբերի 27-ին՝ Արցախյան 44-օրյա պատերազմի չորրորդ տարելիցի օրը, Նիկոլ Փաշինյանը չի գնա «Եռաբլուր» զինվորական պանթեոն:
Պատճառն այն է, որ ՄԱԿ-ի Գլխավոր վեհաժողովի 79-րդ նստաշրջանում նրա ելույթը նախատեսված է սեպտեմբերի 26 լույս 27-ի գիշերը:
«Ֆիզիկապես չի հասցնի»,- MediaHub-ին հայտնեցին Փաշինյանի աշխատակազմից:
Հիշեցնենք, որ 2021 թվականից սկսած զոհված զինծառայողների ծնողները հիշատակի բոլոր օրերին, ինչպես նաև տոներին գիշերում են «Եռաբլուր» զինվորական պանթեոնում, որպեսզի արգելեն Փաշինյանի մուտքը:
Օրեր առաջ՝ սեպտեմբերի 21-ին, ևս հերոսածին ծնողները գիշերել էին Եռաբլուրում, որպեսզի արգելեն Փաշինյանի մուտքը, սակայն հետո պարզ դարձավ, որ երկրի ղեկավարի օրակարգում պանթեոն այցելության հարց չկար անգամ:
