Եթե հայ զինվորը հայտնվեց Ադրբեջանում, ուրեմն Փաշինյանն ու Պապիկյանը ձեռքը բռնել, տարել, թողել են, ինչպես Արցախում՝ հարյուրավոր զինվորների. Սամվել Կարապետյան
Իշխանությունները մեղադրանքներ են հնչեցնում, որ եթե վաղը հայ զինծառայող մոլորվի, Ադրբեջանի տարածքում հայտնվի, ընդդիմությունն իր «հալը կտեսնի»: Հնարավոր համարո՞ւմ եք, որ առաջիկայում նման ինչ-որ սցենարներ լինեն: Այս մասին հարցրել է լրագրողը՝ դիմելով «Ուժեղ Հայաստան» կուսակցության առաջնորդ Սամվել Կարապետյանին:
«Կարող եմ ասել, որ եթե հայ զինվորը հայտնվեց Ադրբեջանի տարածքում, ուրեմն Փաշինյանն ու Պապիկյանը ձեռքը բռնել, տարել են Ադրբեջանի տարածք, թողել են այդ զինվորին, ինչպես Արցախում հարյուրավոր զինվորների թողեցին փախան»,-նշել է նա:
Հիշեցնենք, որ ավելի վաղ հայտնել էինք՝ Նիկոլ Փաշինյանը, դիմելով ընդդիմությանը, ԱԺ-ում հայտարարել է՝ ես այսօրվա ձեր պահվածքը ձեր քթից հանելու եմ:
«Եթե Աստված չանի, մեր մի զինվոր հայտնվեց այնտեղ և այս ամեն ինչի արտահայտությունը մենք մեր զինվորի վրա տեսանք, այսօրվա ձեր ասած, ամեն մի նախադասություն քթներիցդ հանելու եմ»,-նշել էր նա։
