Չտրվեք քաղաքական գայթակղություններին, ձեր որոշումներից է կախված ՀՀ իրավակարգի և ժողովրդավարության հետագա ճակատագիր. Ղազինյանը՝ ՍԴ անդամներին
- 1 day ago
- 1 min read
«Եղեք զգոն և ուշադիր, չտրվեք քաղաքական գայթակղություններին»,- դիմելով Սահմանադրական դատարանի անդամներին, նշել է ԱԺ նախկին պատգամավոր, իրավաբան Արթուր Ղազինյանը։
«2026թ. հունիսի 7-ի ԱԺ ընտրությունների արդյունքների բողոքարկման ՍԴ նիստին շատ ուշադիր հետևում են նաև լուրջ, խորը և համապարփակ մասնագիտական գիտելիքներ և փորձառություն ունեցող իրավաբաններ:
Ձեր խոսքը մշակելիս, վարքագիծն ու դիրքորոշումը ցուցադրելիս դուք պետք է առաջնորդվեք ՀՀ Սահմանադրությամբ և ՀՀ համապատասխան օրենքներով , իսկ այդ գործընթացում դուք առաջին հերթին հաշվետու և պատասխանատու եք իրավաբանական մասնագիտական հանրույթի առջև:
Եղեք զգոն և ուշադիր, չտրվեք քաղաքական գայթակղություններին, ձեր որոշումներից է կախված Հայաստանի իրավակարգի և ժողովրդավարության հետագա ճակատագիրը»,- գրել է նա։
Հիշեցնենք՝ նախօրեին Սահմանադրական դատարանում մեկնարկել է հունիսի 7-ին կայացած ԱԺ հերթական ընտրությունների արդյունքները վիճարկող 7 քաղաքական ուժերի դիմումների հիման վրա միացված գործի քննությունը։
