Արցախը, որ Հայաստան էր և վերջ, այլևս գիտենք ուր է, բանակը առաջատար 20-յակում հայտնվելուց առաջ ջшխջախվեց Ադրբեջանի կողմից․ Զուրաբյանը՝ Փաշինյանի «ազգային նշաձողերի»-ի մասին

Արցախը, որ Հայաստան էր և վերջ, այլևս գիտենք ուր է, բանակը առաջատար 20-յակում հայտնվելուց առաջ ջախջախվեց Ադրբեջանի կողմից, գրել է ՀԱԿ փոխնախագահ Լևոն Զուրաբյանը՝ Փաշինյանի «ազգային նշաձողերի»-ի մասին։
«Քանի որ մաթեմատիկայի ֆունդամենտալ խնդիրներից մեկը` Ռիմանի հիպոթեզն ապացուցվեց Անթրոփիքի արհեստական բանականության օգնությամբ, ես հանում եմ 2019 թվականին Նիկոլ Փաշինյանին արված առաջարկը` այն ներառել «ազգային նշաձողերի» ցանկում:
Մյուս կողմից, առիթ էր, որ ևս մեկ անգամ հայացք գցեի այդ «նշաձողերին» ու նկատեի, որ Փաշինյանը կամաց-կամաց ինքը հերթով իր հռչակած նշաձողերը ցանկից հանում է:
Արցախը, որ Հայաստան էր և վերջ, այլևս գիտենք ուր է:
Բանակը առաջատար 20-յակում հայտնվելուց առաջ ջախջախվեց Ադրբեջանի կողմից:
Աշխարհի 10 ամենաարդյունավետ հետախուզական ծառայություններից մեկը դառնալու ճանապարհին ստացանք մի երկիր, որում ամենաաարդյունավետ կերպով անկաշկանդ գործում են 10-ից ավելի օտար հետախուզական ծառայություններ:
Կրթության մակարդակով, ըստ PISA-ի, արդեն Եվրոպայում դարձել ենք առաջինը տակից:
Բայց չհուսահատվեք, ֆուտբոլի բնագավառում դեռ կան փայլուն հեռանկարներ»,- գրել է նա։




















