Մենք կկառուցենք առաջին արդյունաբերական գոտին Աշոցքում. «Միասնության թևեր»
- 1 hour ago
- 1 min read
«Մենք կկառուցենք առաջին արդյունաբերական գոտին Աշոցքում»,- մայիսի 14-ին Շիրակի մարզի Անի համայնքում նախընտրական քարոզարշավի ժամանակ հայտարարել է Պետական եկամուտների կոմիտեի նախկին նախագահ Դավիթ Անանյանը, որը«Միասնության թևեր» կուսակցության պատգամավորության թեկնածուների համամասնական ցուցակի երկրորդ համարն է:
Նա այս ընտրությունը բացատրել է նրանով, որ ռազմական արդյունաբերությունը, արհեստական բանականությունը և բարձր տեխնոլոգիական ոլորտները պահանջում են հզոր հովացման համակարգեր, իսկ Աշոցքն ունի բնական հովացման համակարգ:
Ըստ նրա՝ յուրաքանչյուր մարզում արդյունաբերական գոտիների տեղակայումն ունի կարևոր նշանակություն։ Անանյանը նաև ընդգծել է արդյունաբերական գոտիներից պահանջելու կարևորությունը, որպեսզի գնումների առնվազն 40%-ն իրականացվի տեղի փոքր և միջին բիզնեսից:
Նա ընդգծել է, որ դա կխթանի մարզերի համաչափ զարգացումը։ «Մենք պետք է Հայաստանը դարձնենք արդյունաբերական երկիր։ Յուրաքանչյուր մարզում պետք է լինեն արդյունաբերական գոտիներ»,- նշել է Անանյանը։
Նա նաև հայտարարել է Մարալիկում անձնագրային բաժինը վերականգնելու անհրաժեշտության մասին։
