Վրաստանի իրավապահների կողմից խարդախության և փողերի լվացման մեղադրանքով հետախուզվողը հայտնաբերվել է Հայաստանում

Նոյեմբերի 9-ին` ժամը 15.15-ին, Համայնքային ոստիկանության «Զվարթնոց» օդանավակայանի բաժնի ծառայողների ձեռնարկած օպերատիվ-հետախուզական միջոցառումների շնորհիվ Երևան-Սոչի չվերթի հաշվառումից հետո բաժին է բերվել 44-ամյա օտարերկրյա քաղաքացի, որը 2024 թվականի մայիսից հետախուզվում էր Վրաստանի Ինտերպոլի կողմից՝ խարդախության և փողերի լվացման մեղադրանքով, խափանման միջոցը՝ կալանք։ Այս մասին հայտնում են ՆԳՆ-ից:

Նրա հայտնաբերման մասին տեղեկացվել է Հայաստանի Ինտերպոլի ազգային կենտրոնական բյուրոն։