«Չայնիի» ոլորաններում «Porsche Cayenne»-ը մխրճվել է երկաթե արգելապատնեշի մեջ, կա զnհ
- 2 hours ago
- 1 min read
Այսօր ժամը 07։00-ի սահմաններում Երևանի բնակիչ 45-ամյա Սարիբեկ Ա․-ն իր վարած ռուսական համարանիշներով «Porsche Cayenne» մակնիշի ավտոմեքենայով Երևան-Սևան-Իջևան ավտոճանապարհի 25 կմ հատվածում, «Չայնիի» երկրորդ ոլորաններում դուրս է եկել երթևեկելի գոտուց, մխրճվել բաժանարար գոտում տեղադրված երկաթե արգելապատնեշի մեջ և մոտ 80 մետր առաջ ընթացել։
Ինչպես հայտնում էShamshyan.com-ը, վարորդը տեղում մահացել է։ Նրա մարմինը հայտնաբերվել է ավտոմեքենայից դուրս, մոտ 10 մետր հեռավորության վրա։
Վարորդը զրկված է եղել ավտոմեքենա վարելու իրավունքից, իսկ վթարից ժամեր առաջ պարեկի կողմից ենթարկվել է վարչական պատասխանատվության՝ ոչ սթափ վիճակում ավտոմեքենա վարելու համար։
