Հարավային Կորեան Իրանին խնդրել է ապահովել Հորմուզի նեղուցում գտնվող նավերի անվտանգությունը.

Հարավային Կորեայի արտգործնախարար Չո Հյունը իր իրանցի գործընկերոջը խնդրել է ապահովել Հորմուզի նեղուցում մնացած նավերի անվտանգությունը և խոր մտահոգություն է հայտնել Մերձավոր Արևելքի հակամարտության համաշխարհային տնտեսության վրա ազդեցության վերաբերյալ, հայտնել են նրա գրասենյակից։

Չոն հեռախոսազրույց է ունեցել Իրանի արտգործնախարար Աբբաս Արաղչիի հետ և Թեհրանին կոչ արել դադարեցնել Պարսից ծոցում քաղաքացիական թիրախների վրա հարձակումները և ապահովել նեղուցով անցնող նավագնացության անվտանգությունը, ասվում է նրա գերատեսչության հայտարարության մեջ։

Ավելի քան երկու տասնյակ հարավկորեական նավեր՝ ավելի քան 100 անձնակազմի անդամներով, մնացել են Պարսից ծոցում, երբ Իրանը դադարեցրել է լցանավերի երթևեկությունը նեղուցով ԱՄՆ-ի և Իսրայելի հարվածներից հետո, հաղորդում է Reuters-ը։

Հարավային Կորեան աշխարհի խոշորագույն էներգակիրների գնորդներից մեկն է, որի հում նավթի մոտ 70%-ը և հեղուկ բնական գազի 20%-ը սովորաբար գալիս է Մերձավոր Արևելքից։