Չինաստանը սկսել է իր պատմության մեջ ամենախոշոր՝ 3 մլն մեքենաների հետկանչը՝ դռան բռնակների խնդիրների պատճառով
- 2 days ago
- 1 min read
Չինական կարգավորող մարմինները 11 էլեկտրական մեքենաների արտադրողների, այդ թվում՝ Tesla-ի և Xiaomi-ի, հրահանգել են աննախադեպ հետկանչ իրականացնել, որը վերաբերում է մոտ 3 միլիոն մեքենայի: Հետկանչը, ըստ Շուկայի կարգավորման պետական վարչության, պայմանավորված է վթարային դռների բացման համակարգերի թերություններով; Այդ մասին հաղորդում է Reuters-ը:
Բողոքները կենտրոնացած էին դռների քողարկավծ բռնակների վրա. դրանց հասանելիությունը դժվար է վթարի դեպքում, իսկ ակտիվացման մեթոդը անհասկանալի է, ինչը ռիսկեր է ստեղծում ուղևորների և վարորդների դուրսբերման ժամանակ:
11 արտադրողներից ինը իրենց մեքենաներում կտեղադրեն նախազգուշացնող պիտակներ: Բոլոր մասնակիցները կթողարկեն անլար ծրագրային թարմացումներ:
Tesla-ն ունի ամենամեծ հետկանչը՝ մոտ 2.98 միլիոն Model 3, Y, S և X էլեկտրական մեքենաներ (ինչպես չինական արտադրության, այնպես էլ ներմուծված): Ընկերությունը նշումներ կկատարի բռնակների վրա և վթարից հետո կավելացնի պատուհանների ավտոմատ իջեցման համակարգ:
Tesla-ից բացի, հետկանչը ներառում է Xiaomi-ն, Leapmotor-ը, Xpeng-ը, Zeekr-ը, Lynk & Co-ն և այլն: Որոշ ապրանքանիշերի համար սա պատմության մեջ ամենամեծ հետկանչն է:
Միջոցառումները ձեռնարկվում են Չինաստանում անվտանգության խստացված կանոնակարգերի ֆոնին: Իշխանությունները նախկինում հայտարարել էին 2027 թվականից սկսած Tesla-ի կողմից տարածված դռների քողարկված բռնակներն արգելելու ծրագրերի մասին: Այս քայլը պայմանավորված է աղմկահարույց վթարներով, որոնց ժամանակ մարդիկ չեն կարողացել դուրս գալ այրվող մեքենաներից: Քննարկվում է նաև ոչ ստանդարտ ղեկային համակարգի արգելքը և կառավարման վահանակների տեղափոխման հարցը:
