Մբապեն՝ «Բենֆիկայից» կրած պարտության մասին. Մեզ պակասում է խաղային կայունությունը

Իսպանիայի փոխչեմպիոն Մադրիդի «Ռեալի» ֆրանսիացի հարձակվող Կիլիան Մբապեն մեկնաբանել է Լիսաբոնի «Բենֆիկայից» կրած պարտությունը Չեմպիոնների լիգայի վերջին տուրում։

«Մեզ պակասում է խաղային կայունությունը, որը պետք է լուծենք։ Չի կարող լինել այնպես, որ այսօր լավ խաղանք, վաղը՝ վատ։ Չեմպիոններն այդպես չեն խաղում: Ցանկանում էինք անմիջապես դուրս գալ 1/8 եզրափակիչ, բայց արժանի ենք այն տեղին, որը զբաղեցնում ենք։ Այս խաղում «Բենֆիկան» ավելի լավն էր», - Մբապեի խոսքը մեջբերում է Marca-ն։

Իսպանիայի փոխչեմպիոն «Ռեալը» Պորտուգալիայում 2:4 հաշվով պարտվեց «Բենֆիկային»։

«Ռեալը» խմբային փուլի արդյունքներով 9-րդն է: Չեմպիոնների լիգայի 1/8 եզրափակիչ դուրս գալու համար արքայական ակումբը կխաղա անցումային փլեյ-օֆֆ փուլում։