Հանրապետությունում կան փակ ճանապարհներ կցորդով տրանսպորտային միջոցների համար

Փրկարար ծառայությունը տեղեկացնում է, որ ՀՀ տարածքում ավտոճանապարհները հիմնականում անցանելի են:

Լոռու մարզի, Կապան-Սիսիան, Մեղրի-Կապան, Լծեն-Տաթև, Գյումրի-Աշոցք, Ճամբարակ-Բերդ ավտոճանապարհները, Վարդենյաց լեռնանցքը, Դիլիջանի ոլորանները և Ջերմուկի խաչմերուկից «Զանգեր» կոչվող հատվածը փակ են կցորդով տրանսպորտային միջոցների համար։ 

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։