«Ռեալի» հարձակվող Կիլիան Մբապեն չի ընդգրկվել թիմի հայտացուցակում՝ մասնակցելու Իսպանիայի Սուպերգավաթի խաղարկության կիսաեզրափակիչ հանդիպմանը

«Ռեալի» հարձակվող Կիլիան Մբապեն չի ընդգրկվել թիմի հայտացուցակում՝ մասնակցելու Իսպանիայի Սուպերգավաթի խաղարկության կիսաեզրափակիչ հանդիպմանը, որտեղ «արքայական» ակումբը կմրցի «Ատլետիկոյի» հետ։ Այս մասին հայտնում է մադրիդյան ակումբի մամուլի ծառայությունը։

​Դեկտեմբերի վերջին ֆրանսիացի ֆուտբոլիստը ձախ ծնկի կապանների ձգում էր ստացել, ինչն էլ խաղը բաց թողնելու պատճառ է դարձել։

​«Ռեալ» – «Ատլետիկո» հանդիպումը կկայանա հունվարի 8-ին։

​Ընթացիկ մրցաշրջանում Մբապեն «Ռեալի» կազմում անցկացրել է 24 հանդիպում՝ դառնալով 29 գոլի և 5 գոլային փոխանցման հեղինակ։

​Հիշեցնենք, որ Իսպանիայի Սուպերգավաթի հանդիպումները կանցկացվեն Սաուդյան Արաբիայի Ջիդա քաղաքում՝ հունվարի 7-ից 11-ը։ Մրցաշարին մասնակցում են նաև «Բարսելոնան» և «Ատլետիկը»։