Քանի որ նախարար Խուդաթյանն Արմավիրից է, որոշել է՝ Արմավիրում չպետք է որևէ ընդդիմադիր ուժ մասնակցի ընտրություններին. Սևակ Խաչատրյան

«Նախկինում, օրինակ, Գյումրու ու Փարաքարի պարագայում, իշխանությունները սպասում էին, որ քվեարկության արդյունքները տեսնեն, նոր բռնաճնշումների դիմեին, հիմա «խելքի են եկել»՝ նախօրոք են բռնաճնշումներ իրականացնում»,- ասուլիսում ասաց «Հայաստան» խմբակցության պատգամավոր Սևակ Խաչատրյանը։  

Նա ընդգծեց, որ բոլոր կարող ուժերին արանքից հանում են, որպեսզի մնա միայն ՔՊ-ն։

«Օրինակ, տարածքային կառավարման և ենթակառուցվածքների նախարար Դավիթ Խուդաթյանը քանի որ Արմավիրից է՝ Այգեվան գյուղից,  որոշել է Արմավիրիում ընդհանրապես չպետք է որևէ ընդդիմադիր ուժ մասնակից։ Մարդիկ մտել են անձնագրային բաժանմունք տեղեկանքներ վերցնելու, որպեսզի առաջադրվեն, կես ժամ հետո տոտալ բռնաճնշումներ է սկսվել այդ անձանց նկատմամբ»,- ասաց Ս.Խաչատրյանը։

Նա նշեց, որ ՏԻՄ ընտրություններին մասնակցելը կարևոր է և   պատրչաստ են կանգնել ընդդիմադիր բոլոր ուժերի կողքին, որոնք պատրաստ են մասնակցել ընտրություններին։