Հայաստանի նախկին օմբուդսմենը Փաշինյանի պահվածքը տղամարդկային պատիվից զուրկ մարդու պահվածք է անվանել

Հայաստանի նախկին օմբուդսմեն, «Միասնության թևեր» քաղաքական նախաձեռնության ղեկավար Արման Թաթոյանը մետրոյում տեղի ունեցած միջադեպի ժամանակ և դրանից հետո վարչապետ Նիկոլ Փաշինյանի պահվածքը անվանել է տղամարդկային պատվից զուրկ մարդու պահվածք։

Մարտի 24-ին կայացած մամուլի ասուլիսի ժամանակ քաղաքական գործիչը նշել է, որ Փաշինյանը ցույց է տվել, որ որպես քաղաքական առաջնորդ՝ նա ոչ միայն ի վիճակի չէ պաշտպանել կնոջն ու երեխային, այլև անամոթաբար, գտնվելով իր թիկնապահների ու կողմնակիցների պաշտպանության տակ, սպառնացել է կնոջն ու երեխային։ «Հետո ներողություն է խնդրում, ինձ համար, դրանից հետո ցանկացած ներողություն, ուզում է լինի անկեղծ, թե կեղծավոր, թեև ես չեմ հավատում, որ դա անկեղծ էր, դա տղամարդկային պատվից զուրկ մարդու հայտարարություն էր», - նշել է Թաթոյանը, մեկնաբանելով դեպքը։