«Արարատ»-ի ֆուտբոլիստը կոտրվածք է ստացել
- Apr 10, 2025
- 1 min read
«Արարատի» ֆրանսիացի պաշտպան Մարվին Էվունայի մոտ ախտորոշվել է կողոսկրի կոտրվածք: Այդ մասին հայտնում է ակումբի մամուլի ծառայությունը։
«Ակումբի բժշկական շտաբը կհետևի նրա վերականգնման ընթացքին։ Նախնական գնահատմամբ՝ Էվունան ստիպված կլինի մարզումներից բացակայել առնվազն հինգ շաբաթ»,- ասված է ակումբի տարածած հայտարարության մեջ։
Ֆուտբոլիստը վնասվածք էր ստացել ապրիլի 8-ին Գյումրիում կայացած «Շիրակ» - «Արարատ» հանդիպման ընթացքում (2:1) և փոխարինվել էր 37-րդ րոպեին:
