Արարատի մարզում խոշոր ավտովթար է տեղի ունեցել․ վիրավոր կա

Այսօր՝ նոյեմբերի 9-ին, խոշոր ավտովթար է տեղի ունեցել Արարատի մարզում։ Ժամը 17։30-ի սահմաններում Մասիս քաղաքի Հերացի փողոցում՝ «Մագնիս» սուպերմարկետի դիմաց, բախվել են Արարատի մարզի բնակիչներ 19-ամյա Ջոնիկ Նազարյանի վարած «ՎԱԶ 2121» մակնիշի և 31-ամյա Արման Արզոյանի վարած «Nissan» մակնիշի ավտոմեքենաները։

Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով «ՎԱԶ 2121»-ի ուղևոր, Արարատի մարզի բնակիչ 24-ամյա Սարգիս Պետրոսյանը օպերատիվորեն ժամանած «Մասիս» բժշկական կենտրոնի շտապօգնության բժիշկների կողմից նախ տեղում առաջին բուժօգնությունն է ստացել, ապա տեղափոխվել «Էրեբունի» բժշկական կենտրոն։

Վթարի փաստով Մասիսի քննչական բաժնում նախաձեռնվել է քրեական վարույթ։