Վթար՝ Գեղարքունիքում․ զոհեր ու վիրավորներ կան
- Oct 9, 2025
- 1 min read
Ողբերգական ավտոպատահար է տեղի ունեցել Գեղարքունիքի մարզում։ Ժամը 18։25-ի սահմաններում «Opel Zafira» մակնիշի ավտոմեքենան Ծովագյուղ-Շորժա-Վարդենիս ավտոճանապարհին, դեռևս անհայտ հանգամանքներում, դուրս է եկել երթևեկելի գոտուց, մի քանի պտույտ գլորվել և հայտնվել դաշտում։
Ինչպես դեպքի վայրից հայտնում է ֆոտոլրագրող Գագիկ Շամշյանը, վթարի հետևանքով 2 հոգի տեղում մահացել է, 5 հոգի՝ տեղափոխվել Վարդենիսի բժշկական կենտրոն։
Վթարի փաստով նախաձեռնվել է քրեական վարույթ։
