Ադրբեջանը հայտարարել է Ուկրաինային զենք մատակարարելու հնարավորության մասին
- Armen Sukiasyan
- 16 hours ago
- 1 min read
Բաքուն կվերացնի Կիևին զենքի մատակարարման արգելքը, եթե ռուսական բանակը շարունակի հարձակվել Ուկրաինայում գտնվող ադրբեջանական գազային օբյեկտների վրա։ Այս մասին հաղորդում է Caliber-ը՝ հղում անելով աղբյուրներին։
Աղբյուրի փոխանցմամբ՝ Ադրբեջանի և Ուկրաինայի նախագահներ Իլհամ Ալիևը և Վլադիմիր Զելենսկին հեռախոսազրույցի ժամանակ քննարկել են Ռուսաստանի զինված ուժերի կողմից Ուկրաինայի գազային ենթակառուցվածքներին հասցված հարվածները։ Բացի այդ, հաղորդվում է, որ հարվածը հասցվել է Օդեսայում գտնվող SOCAR-ի ադրբեջանական նավթային բազային։
Հրապարակման մեջ նշվում է, որ Ռուսաստանի կողմից Ուկրաինայում գտնվող ադրբեջանական օբյեկտներին հետևողական հարվածները շարունակվում են, այդ իսկ պատճառով Բաքուն ստիպված է ձեռնարկել պատասխան միջոցներ։
