ՀԱՊԿ միջոցառումներին Երևանի չմասնակցելը մասամբ Արևմուտքի ճնշման արդյունք է. ՌԴ ԱԳՆ ՀԱՊԿ հարցերով հատուկ դեսպան.

ՀԱՊԿ միջոցառումներին Երևանի չմասնակցելը Հայաստանի ղեկավարության ընտրությունն է, թեև դա արվել է ճնշման ներքո. այս մասին ՌԻԱ «Նովոստի»-ին տված հարցազրույցում ասել է ՌԴ ԱԳՆ ՀԱՊԿ հարցերով հատուկ հանձնարարություններով դեսպան Վիկտոր Վասիլևը։

«Շատ առումներով այս իրավիճակը և՛ արևմտյան երկրների ճնշման, և՛ Հայաստանի ղեկավարության ու բնակիչների հասկանալի զգացմունքների արդյունք է»,- նշել է նա։

Վասիլևը հույս է հայտնել, որ բանականության ձայնը վաղ թե ուշ կհաղթի զգացմունքներին։Հայաստանի իշխանությունները ՀԱՊԿ-ին և Ռուսաստանին բազմիցս մեղադրել են իրենց պարտավորությունները չկատարելու համար։ Ավելի վաղ ՀՀ վարչապետ Նիկոլ Փաշինյանը հրաժարվել էր մասնակցել 2023 թվականի նոյեմբերի 23-ին Մինսկում ՀԱՊԿ գագաթնաժողովին։ Նույն թվականի հոկտեմբերին Փաշինյանը չի մասնակցել Բիշքեկում ԵԱՏՄ և ԱՊՀ միջկառավարական խորհուրդներին: Նա չի մասնակցել նաև հոկտեմբերի 13-ին Բիշքեկում կայացած ԱՊՀ գագաթնաժողովին։ Մայիսին Մինսկում ՀԱՊԿ պաշտպանության նախարարների խորհրդի նիստին չի մասնակցել Հայաստանի ռազմական գերատեսչության ղեկավար Սուրեն Պապիկյանը։ Սեպտեմբերին Հայաստանը փրկարարներ չի ուղարկել Բելառուսում տեղի ունեցած ՀԱՊԿ երկրների զորավարժություններին, իսկ մինչ այդ ՀՀ իշխանությունները ոչ նպատակահարմար համարել ՀԱՊԿ խաղաղապահ զորքերի «Անխորտակելի եղբայրություն-2023» զորավարժությունների անցկացումը հանրապետությունում։