30-ամյա Նադեժդան սեռական բնույթի հայհոյանքներ է հնչեցրել երևանյան հյուրանոցներից մեկում․ նրան բերման են ենթարկել
- Sep 4, 2025
- 1 min read
Shamshyan.com-ի տեղեկություններով՝ օգոստոսի 25-ին արտակարգ դեպք է տեղի ունեցել Երևանում։ Ժամը 01։25-ի սահմաններում ՆԳՆ-ում օպերատիվ տեղեկություն է ստացվել, որ մի քաղաքացի մտել է Արամի 86 հասցեում գործող «Դայմոնդ» հյուրանոց և վնասում է գույքը։
Ինչպես հայտնում է ֆոտոլրագրող Գագիկ Շամշյանը, ոստիկանների ձեռնարկած միջոցառումների արդյունքում պարզվել է, որ նշված արարքը կատարել է 30-ամյա Նադեժդա Կ․-ն, ով ձերբակալվել և տեղափոխվել է ոստիկանության Կենտրոնական բաժին։
«Դայմոնդ» հյուրանոցի գլխավոր վարչարարը ոստիկաններին հայտնել է, որ հյուրանոց մտած կինը, բացահայտ արհամարհական վերաբերմունք դրսևորելով ներկաների նկատմամբ, տևական ժամանակ բղավել և սեռական բնույթի հայհոյանքներ է հնչեցրել հյուրանոցի աշխատակիցների հասցեին, վնասել գույքը, իրեր նետել աշխատակիցների վրա՝ խաթարելով հյուրանոցի բնականոն աշխատանքը։
