Շարունակվո՞ւմ են Մասյացոտնի թեմի հոգևորականի դեմ ճնշումները
- Armen Sukiasyan
- 2 hours ago
- 1 min read
Հունվարի 24-ին Մասյացոտնի թեմը հայտարարություն տարածեց, ըստ որի՝ Ոսկետափ բնակավայրի վարչական ղեկավար Նշան Հովհաննիսյանը և Սուրբ Սահակ–Մեսրոպ եկեղեցու կառուցման հովանավոր Համլետ Գորոյանը այցելել են եկեղեցի և հոգևոր հովիվ Տեր Արտաշես քահանա Հակոբյանից պահանջել են ազատել եկեղեցին։
MediaHub-ի հետ զրույցում Տեր Արտաշես քահանա Հակոբյանը տեղեկացրեց, որ նշված անձինք այդ օրը եկեղեցի այցելելուց հետո այլևս չեն վերադարձել։ Նրա խոսքով՝ արդեն երկու օր է, որևէ նոր արձագանք կամ քայլ չի եղել։
Հոգևորականը նաև վերահաստատեց, որ անկախ ստեղծված իրավիճակից՝ չի պատրաստվում փոխել իր դիրքորոշումը և շարունակում է կանգնած մնալ Հայ Առաքելական Սուրբ եկեղեցու կողքին։
