Ալիևը Ուզբեկստանում կրկին անդրադարձել է Մեղրիով անցնող ճանապարհին
- 3 hours ago
- 1 min read
Ադրբեջանի և Ուզբեկստանի Բարձրագույն միջպետական խորհրդի երրորդ նիստում Ադրբեջանի նախագահ Իլհամ Ալիևը մի շարք հայտարարություններ է արել Մեղրիով անցնող ճանապարհի վերաբերյալ։ Այդ մասին հայտնում են ադրբեջանական լրատվամիջոցները;
Նա հայտարարել է, թե Ադրբեջանի մայրցամաքային մասում աշխատանքները նախատեսվում է ավարտել հաջորդ տարի, իսկ Նախիջևանի Ինքնավար Հանրապետությունում շինարարությունն արդեն սկսվել է։ Նա ասել է, որ նախագիծը նախատեսում է ստեղծել միջազգային կոնսորցիում ներդրումներով, եկամուտների ստեղծմամբ և երաշխավորված տրանսպորտային ծավալներով հետաքրքրված երկրների և ընկերությունների համար։
Իլհամ Ալիևը, հղում անելով ամերիկյան կողմին, հայտարարեց, որ Հայաստանում շինարարական աշխատանքները կսկսվեն այս տարվա վերջին կամ հաջորդ տարվա սկզբին։ Նա հավելել է, որ Հայաստանում հատվածը 42 կմ երկարություն ունի, իսկ Նախիջևանում՝ 194 կմ, և Ադրբեջանը, այնուամենայնիվ, կավարտի իր տարածքում բոլոր աշխատանքները։րը
