Ես կշարունակեմ բարձրաձայն խոսել պшտերազմի դեմ. Լևոն XIV
- 1 hour ago
- 1 min read
Ես մտադիր եմ շարունակել բարձրաձայնել պատերազմի դեմ: Reuters-ին տված հարցազրույցում ասել է Հռոմի պապ Լևոն XIV-ը՝ իր հասցեին ԱՄՆ նախագահ Դոնալդ Թրամփի ուղղակի հարձակումից հետո:
«Ես կշարունակեմ բարձրաձայն խոսել պատերազմի դեմ՝ ձգտելով խթանել խաղաղությունը, երկխոսությունը և պետությունների միջև բազմակողմ հարաբերությունները՝ խնդիրների արդարացի լուծումներ գտնելու համար»,- ասել է նա:
Լևոնը, ով ծնունդով Չիկագոյից է, վերջին շաբաթներին հանդես է եկել որպես Իրանի դեմ ամերիկա-իսրայելական պատերազմի խիստ քննադատ և շաբաթ օրը խաղաղության կոչի ժամանակ դատապարտել է պատերազմի խելագարությունը:
Թրամփը, ի պատասխան պապի քննադատություններին՝ ուղղված ինչպես հակամարտությանը, այնպես էլ Սպիտակ տան կոշտ ներգաղթային քաղաքականությանը, կիրակի ուշ երեկոյան հայտարարել էր, որ Լևոնը սարսափելի է:
«Լևոն պապը թույլ է հանցավորության դեմ պայքարում և սարսափելի՝ արտաքին քաղաքականության հարցերում»,- գրել է Թրամփը Truth Social սոցիալական ցանցում արված գրառման մեջ:
