Հայաստանում կսահմանվի «ծնողական ժամ». երեխայի հայրիկին և մայրիկին տրվում է հավասար իրավունք

Կառավարությունն առաջարկում է Հայաստանում սահմանել «ծնողական ժամ» եզրույթը:  «Աշխատանքային օրենսգրքում» փոփոխություն և  լրացում կատարելու մասին օրենքում համապատասխան փոփոխություն կատարելու մասին նախագիծն ԱԺ-ում ներկայացրեց աշխատանքի և  սոցիալական հարցերի նախարարի տեղակալ Լուսինե Քոչարյանը։

Ըստ նախագծի, փոփոխությունները միտված են բարձրացնելու աշխատողների սոցիալական պաշտպանությունը և աշխատանքի արդյունավետությունը:

«Սահմավում է  ծնողական ժամ, այսինքն կես ժամ վճարվող աշխատաժամանակ, որի դեպքում ծնողը կարող է բացակայել աշխատանքից և վճարվել»,- ասաց Լ.Քոչարյանը՝ ներկայացնելով հիմնական կատեգորիաները.

մինչև երկու  երեխա ունեցող ծնողին (խնամատար ծնողին կամ որդեգրողին կամ խնամակալին)՝ օրական առավելագույնը 30 րոպե.

երեք և ավելի երեխա ունեցող ծնողին (խնամատար ծնողին կամ որդեգրողին կամ խնամակալին)՝ օրական առավելագույնը 1 ժամ.

մինչեւ 18 տարեկան՝ հաշմանդամության խորը կամ ծանր սահմանափակումով երեխա ունեցող ծնողին (խնամատար ծնողին կամ որդեգրողին կամ խնամակալին)` օրական առավելագույնը 1 ժամ (անկախ երեխաների թվից):

Ծնողական ժամը տրամադրվում է աշխատողի գրավոր դիմումի հիման վրա։  Ծնողական ժամը ներառվում է աշխատաժամանակում, եւ այդ ժամանակահատվածում պահպանվում է աշխատողի հիմնական աշխատավարձը (գործավարձով վարձատրվող աշխատողների դեպքում՝ միջին աշխատավարձ, բացառությամբ պարգեւատրման գումարների):շ»:

Լ.Քոչարյանն ասաց, որ օրենքում շատ չեն մանրամասներ, հիմնական կագավորումները թողել են, որպեսզի գործատուի և աշխատողի միջև պայմանագրով արձանագրվի. «Օրենքով ամրագրել ենք այս իրավունքը, սակայն որ ժամին կարող են բացակայել, ինչպես, դա կարձանագրի գործատուն, ինչպես կկառավարի, որպեսզի աշխատանքը չտուժի, պետք է գործատուն և աշխատողը լուծեն իրեր միջև։ 

Երեխայի հորը և մորը տրվում է հավասար իրավունք, կարող են համաժամանակյա բացակայել. եթե ընտրել են, որ միասին են երեխային ուզում տանել, օրինակ, մանկապարտեզ, կարող են միասին բացակայել»։