«Նոա»-ն երկարաձգել է պայմանագիրը Գուդմունդուր Թորարինսոնի հետ
- Jun 7, 2025
- 1 min read
«Նոա» ֆուտբոլային ակումբը երկարաձգել է պայմանագիրը Գուդմունդուր Թորարինսոնի հետ։ Այդ մասին ակումբի մամուլի ծառայությունն է հայտնել։
Նշվում է, որ իսլանդացի պաշտպանը հանդես կգա թիմում մինչև 2025/26 մրցաշրջանի ավարտը։
Իսլանդիայի հավաքականի կազմում 15 հանդիպման մասնակցած ֆուտբոլիստը «Նոա» էր տեղափոխվել 2024/25 մրցաշրջանի մեկնարկից առաջ և թիմի հետ դուրս է եկել Կոնֆերենցիաների լիգայի Լիգայի փուլ, ինչպես նաև նվաճել է Հայաստանի չեմպիոնի տիտղոսը և Գավաթը։
«Այն ամենը, ինչ ինձ անհրաժեշտ է, այստեղ է։ Առաջ շարժվենք միասին», - նշել է Թորարինսոնը՝ պայմանագիրը երկարաձգելուց հետո։
«Նոա»-ի կազմում Թորարինսոնը մասնակցել է 26 խաղի՝ դառնալով 2 գոլի և 5 գոլային փոխանցման հեղինակ։
